最近响網上欣賞番哩套溫馨感人嘅動畫...
上世紀兒童節目《閃電傳真機》時段內播出嘅動畫《媽媽是小學四年生》
大家仲記唔記得哩位只得10歲嘅媽媽夏美同佢嘅寶貝女未來呢？
《媽媽是小學四年生》主角水木夏美只係一個好普通嘅小學生，一次時空交錯，將佢未來所生嘅BB女由2007年帶到1992年，因此夏美就要負起當母親嘅責任，展開咗烏龍百出嘅育嬰大作戰！仲要諗辨法將BB送回未來。
夏美一方面要應付學業，一方面又要瞞住身在英國嘅父母同埋班中嘅同學，偷偷地照顧BB，過程中笑料百出！最後仲要俾新聞界發現，將佢宣染成10歲嘅未婚媽媽，引起咗一場大騷動！幸得班中同學合力幫佢解圍。小學四年級就要經歷咁多事，令夏美變得早熟。
當年 ，此作預言2007年會推出一系列嘅高科技育嬰產品 . . .
印有孖M字樣嘅鏡盒, 同BB嘅心口針互相聯系，當BB喊嘅時候，
心口針就會發出信號通知媽媽。
如果BB唔見咗，鏡盒就會顯示BB嘅方向，幫媽媽揾番失蹤BB。
當BB有危險時，鏡盒仲會發出閃光保護BB。
一支可以安撫BB嘅笛，就算BB仔喊到收唔到聲，
只要一聽到笛聲就會即刻平靜番晒！
照計哩Ｄ產品上年巳經推出咗！有冇人可以話我知邊處有得買？
順便又重温吓克勤嘅閃電傳真機主題曲，仲有朱茵姐姐～～ 
